> ## Content Index > Fetch the complete content index at: https://www.5news.com.hk/llms.txt > Use this file to discover other available public pages before exploring further. # AMEX 康樂園鄉村俱樂部|白金卡忠粉8年實測 香港隠世後花園🌟 - URL: https://www.5news.com.hk/amex-kang-le-yuan-xiang-cun-ju-le-bu-bai-jin-qia-zhong-fen-8nian-shi-ce-xiang-gang-yin-shi-hou-hua-yuan/ - Published: 2025-08-22T08:34:43.000Z - Updated: 2025-08-22T09:17:48.000Z - Description: 作為 AMEX 白金卡嘅 8 年忠粉💳，用咗咁多年，試過無數優惠同尊享體驗，但今次真係要同大家分享一個靜靜地嘅驚喜——多得 AMEX 白金咭嘅優惠，小編我終於有機會走入位於新界大埔嘅康樂園鄉村俱樂部（The Country Club at Hong Lok Yuen，簡稱 CCHLY），一個會員專屬、隱世而寧靜嘅私人會所。🏡 - Author: 5News編輯部 - Tags: 生活態度, 全部, 著數, #amex 今次小編冇急住打卡，反而慢慢行、慢慢睇，探索下四周設施，感受下氣氛。真係有種置身世外桃源嘅感覺——靜靜地、又有格調，連呼吸都變得輕鬆咗。😌 AMEX白金卡今次唔止帶我享受優惠，更打開咗一個傳統富豪區入面嘅小社區生活，感覺好似偷睇咗一頁上流生活日記，但又唔會有距離感，反而好親切。😎 一齊嚟發掘呢個隱藏嘅休閒享受生活會所，開啟你嘅慢活新體驗啦！🌿 ![康樂園鄉村俱樂部接待大堂。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/1.2-1.JPG) 康樂園鄉村俱樂部接待大堂。(資料來源：5News編輯部) ## 抵達體驗：隱世綠洲，泊車福利超貼心 CCHLY位於新界大埔康樂園市中心徑8號，隱身喺香港少有嘅低密度豪宅區，環境清幽、私隱度高得嚟又夠氣派，住戶多數都係官商名人——唔少明星都曾經喺度住過，例如古巨基、張栢芝、黃翠如、蕭正楠、陳小春、毛舜筠等等，陣容真係唔簡單！✨ 一入去就感受到嗰種退休生活嘅悠閒寫意，成個氛圍都好Chill，真係有種「慢活」嘅味道～😌 雖然唔算喺市中心，但交通都唔算麻煩：最近嘅地鐵站係太和站，落車之後再搭5–10分鐘的士就到；由港島過嚟大約30分鐘，尖沙咀20分鐘，沙田更加只需10分鐘，其實都幾方便！ 最正係——CCHLY提供免費無限時泊車！只要喺Reception講聲就搞掂，喺香港呢個泊車費貴到離晒譜嘅地方，呢個福利真係要畀個Like！ ![康樂園鄉村俱樂部門口。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/2-1.JPG) 康樂園鄉村俱樂部門口。(資料來源：5News編輯部) ## 設施體驗：乾淨到處女座都心動，活動多籮籮！ 作為會員專屬會所，康樂園鄉村俱樂部嘅設施真係實而不華又夠晒多元化！ 今次我冇特別玩設施，主要係四圍行下、睇下環境，喺泳池邊Chill住飲杯嘢，靜靜地感受下呢度嘅氣氛。以下係我幾個特別心動位： ### 泳池：乾淨到發光，夜景Chill爆 冇乜嘢比得上喺棕櫚樹下hea住晒太陽，或者喺泳池chill住游水咁爽！🌴☀️ CCHLY有三個環形泳池，設計靚又有特色，深淺唔同，啱晒一家大細！👨‍👩‍👧‍👦 親子玩水又得，大人hea住游水又得，真係點玩都啱feel！ 泳池周圍畀棕櫚樹、花園同木質甲板包圍，度假Feel爆棚，簡直好似飛咗去峇里！🌴 特別係「成人限定」泳池甲板，仲有熱水按摩浴缸，同朋友午後傾吓偈或者喺池畔酒吧飲杯嘢嘅絕佳地點！🍹 雖然泳池面積同新式屋苑會所比唔算好大，但乾淨程度真係無得彈！ 作為處女座嘅我，見到泳池水清澈見底，池邊一塵不染，真係畀足100分！💯 晏晝人多，我就唔影相啦，等大家自己親身去感受吓～ 不過夜晚泳池個夜景，真係一個字：靚！🌙 ✨ Bonus：AMEX白金卡持卡人仲可以帶最多8位朋友一齊游水，一家大細或三五知己一齊Chill，真係無得輸！🎉 ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/3-1.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/3-2.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/3-3.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/3-4.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/3-5.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/3-6.JPG) 康樂園鄉村俱樂部游泳池。(資料來源：5News編輯部) ### 運動設施：Old School但實用，性價比高 CCHLY啲運動設施真係多到你眼都花！有5個人工草地網球場、2個玻璃背牆壁球場（仲可以改做羽毛球場）、籃球、乒乓球、桌球，甚至連高爾夫推桿練習場都有，啱晒鍾意郁下身嘅你！🎾🏸 健身房Simply Fitness有成4,000呎咁大，設備齊到不得了——有氧、重量訓練器材一應俱全，仲有瑜伽、普拉提、動感單車課程，國際級教練隨時幫你上堂！💪 雖然設計偏向Old School風，但保養得好好，乾淨企理，用得安心！ 做完運動唔使行得遠，旁邊就有Refreshment Bar / Juice Bar，即刻飲返杯新鮮果汁、蛋白奶昔或者咖啡，補充能量一流！☕ ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/4--1-.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/4--2-.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/4--3-.JPG) 康樂園鄉村俱樂部Gym健身中心。(資料來源：5News編輯部) ### The General’s Bar & Lounge 親切到似返屋企 呢個酒吧真係另一個驚喜位！一入去就見到好多枱凳同梳化，坐低傾偈完全冇壓力，氣氛輕鬆又熱鬧\~我去嗰陣啱啱有幾位外籍人士喺度飲緊酒、吹緊水，仲有兩張桌球檯任你免費玩，真係Chill爆！🎱 小編瘋狂影相交功課嗰陣，仲有位退休外籍機師會員主動走過嚟同我拗水吹，超級Friendly！佢哋嘅親切真係令人即刻融入呢個俱樂部，感覺超窩心！😊 成個Lounge就好似一個小社區咁，大家平時喺度傾下偈、飲杯嘢、篤下波，生活節奏慢慢哋，真係好似返咗屋企咁。喺呢度飲杯酒、睇本書、歎下，典雅又自在，完全係享受生活嘅最佳示範！📖🍷 ✨ Bonus：AMEX白金卡持卡人可以免費用桌球檯，無人數限制，簡直係放鬆神器！ ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/5.1-.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/5.2.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/5.3.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/5.4.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/5.5.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/5.6.JPG) 康樂園鄉村俱樂部The General’s Bar & Lounge。(資料來源：5News編輯部) ### 會員活動：大人細路都啱 無論係親子時光、朋友聚會定運動愛好者，都緊有一款啱你！ 例如：夏季會搞個Saturday Splash Night Pool Party 有音樂、遊戲同Buffet Dinner，氣氛超High！ ✨ Bonus：AMEX白金卡持卡人仲可以帶埋屋企朋友一齊享受派對時光，開心share！🎶 ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/6.2.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/6.3-.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/6.4.JPG) 康樂園鄉村俱樂部活動。(資料來源：5News編輯部) ## 餐飲：平到笑，選擇多到眼花 講到食，CCHLY真係隱藏美食天堂！🍴 無論你鍾意中菜、西餐定多國菜，呢度都有得揀，價錢仲要平到你唔敢信！ #### 康樂樓中餐廳（Hong Lok Lau） 呢度嘅粵菜水準喺區內都算係頂尖之選，座位多之餘，仲有戶外露台，可以一邊食飯一邊睇山景，氣氛一流！ 最誇張係價錢——半圍中菜只係$1888，平到笑！😲 試想下而家出面普通美心酒樓，晚飯人均都要$300以上，呢度真係抵到無朋友！🥟🍜 ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/7.1.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/7.2.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/7.3.JPG) 康樂園鄉村俱樂部中餐廳康樂樓。(資料來源：5News編輯部) ### The Bistro：多國菜，選擇多到眼花 呢間餐廳除咗室內座位寬敞，仲可以直達泳池景觀露台，早午晚餐都好有Feel～而且用餐無限時，慢慢歎都冇問題！😌當日見到唔少家庭喺室內室外之間穿梭，一邊食下嘢，一邊望住自己啲小朋友喺泳池嬉水，氣氛真係悠閒又溫馨～👨‍👩‍👧‍👦 菜式方面多到你懷疑自己係唔係誤闖咗美食聯合國！🌍🍽️ 除咗有All Day Breakfast、牛扒等經典西菜，仲有兒童餐同超多元化選擇，價錢親民到你唔信： - 海南雞飯 $128 - 黑豚豬扒飯 $118 - 星洲炒米 / 金邊粉 / 喇沙湯麵 / 泰式煎蛋飯 $108 - 擔擔麵 $98 - 吉列豬扒配冷烏冬 $118 每星期仲有一日任食印度菜，8月更加有韓國料理主題，韓迷必衝！🔥 性價比高到爆，簡直係茶餐廳價錢、度假級享受！ ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/8.1.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/8.2.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/8.3.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/8.4.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/8.5.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/8.6.JPG) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/8.7.JPG) 康樂園鄉村俱樂部The Bistro。(資料來源：5News編輯部) ✨Bonus：AMEX白金卡持卡人可以免費享用餐飲設施（唔限人數，唔駛另買day pass，所有消費用Amex卡簽賬就OK）。想戶外用餐？好似小編咁喺Poolside Bar邊食邊Chill，超寫意！🍔🍝 小提醒：要著休閒裝，唔可以著泳衣、裸露上身或者濕住嘅運動衫，唔啱Dress Code係唔畀入座㗎～ ![康樂園鄉村俱樂部餐廳有Dress Code，以casual為主。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/9.-dress-code-1.JPG) 康樂園鄉村俱樂部餐廳有Dress Code，以casual為主。(資料來源：5News編輯部) ## 加分位：細節做到咁貼心，簡直係日本職人級！ The Bistro餐廳連洗手間都認真到不得了，真係唔係「為做而做」，係有用腦諗過會員真正需要啲咩！一入去就見到室內放咗部空氣清新機，門口仲有個大垃圾桶，方便你推門抺完手紙即刻丟，乾淨又順手，完全係「用心」兩個字！👏 呢啲細節真係做到位，唔係表面功夫，係真心想你用得舒服——成件事就好似日本人設計咁，細緻到你唔講都會留意到！ 唯一小瑕疵係廁所門有啲窄，要縮晒肚腩先入到廁格，哈哈！😅 不過以我處女座嘅標準嚟講，都係畀99分（扣1分畀廁所門，笑）！ ## 點玩? 收費係點? ### 💳 合資格AMEX白金卡會員每月可入2次，唔使搶飛、唔使抽籤! - 成功申請入場證 - 📅 使用日期：2025年8月1日至2026年7月31日 #### 🥂 A. 餐飲同桌球設施（唔使買 Club Guest Day Pass） - 完全免費 - 無人數限制 - 隨時使用，夠晒方便！ #### 🏀 B. 康樂同運動設施（要買 Club Guest Day Pass） - 星期一至四：$65/位 - 星期五至日：$130/位 - 每張 AMEX 主卡最多可以連自己一共帶 8 位賓客，一齊玩都冇問題！ ### 設施收費 - 🏊‍♀️ 泳池：免費 - 🏋️ 健身房：$100/位 - 🏸 羽毛球／乒乓球／壁球／籃球：$25/小時 - 🎾 網球：$25–$40/小時 - 🥒 匹克球（Pickleball）：$30/小時 🔔 小提醒：以上收費可以參考下，去之前記得上康樂園官網 或者打個電話(+852-2657 8899) 問清楚，穩陣啲唔會撻Q！ ![康樂園鄉村俱樂部設施費用(2025年8月)。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/11.--------------1.JPG) 康樂園鄉村俱樂部設施費用(2025年8月)。(資料來源：5News編輯部) ## 小編忠粉總結：AMEX白金卡，打開慢活生活嘅通行證🌿 作為AMEX白金卡8年忠粉，我真心覺得 CCHLY 就係一個自成一角嘅小社區，唔使刻意安排行程，生活自然流動。🌤️ 喺呢度，放假唔一定要出城，唔使趕景點、唔使排隊，靜靜地就可以享受屬於自己嘅節奏。 免費無限時泊車、清幽環境、乾淨到連處女座都會微笑嘅泳池、親切如家的 Lounge、餐飲選擇多到令人眼花撩亂，幾十蚊就可以歎到一餐。😌 每月仲有唔同活動，無論係親子時光、朋友聚會，定係自己一個靜靜地放空，大人細路都可以搵到屬於自己嘅樂趣。 呢度唔止係一個會所，更係一種生活方式。慢慢行、慢慢歎、慢慢傾，時間好似都變得柔和。📖🍃 多得 AMEX 白金卡，我先有機會打開呢個靜靜地享受生活嘅入口。 如果你住喺大埔或附近冇會所嘅屋苑，CCHLY絕對係一個放假唔使出城都可以歎世界嘅理想角落——平過迪士尼、靜過山頂、Chill過Staycation，真係有種「生活可以咁靜好」嘅感覺。🌸🌅 ![康樂園鄉村俱樂部。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/08/12.----------.JPG) 康樂園鄉村俱樂部。(資料來源：5News編輯部) ## 📣 想知點樣用AMEX白金卡解鎖康樂園豪級會所？ - 記得睇《5news｜AMEX優惠｜康樂園入場證 豪級會所全攻略（附申請方法）》— 一文睇清申請流程，唔怕錯過！👉 [即睇攻略](https://www.5news.com.hk/amex-platinum-cchly/) ✨ 快啲約埋朋友一齊享受呢個隱世頂級會所，歎住山景、打下波、飲杯酒，生活其實可以咁靜好！ 💳 如果你仲未係AMEX白金卡持卡人？即刻click下面條link申請，拎迎新優惠，開啟你嘅尊貴生活模式，唔止係張卡，係一種生活態度！✨