> ## Content Index > Fetch the complete content index at: https://www.5news.com.hk/llms.txt > Use this file to discover other available public pages before exploring further. # AMEX餐飲回贈|意大利Gaia實測分享 香港罕見超班紅蝦Spaghetti鮮味爆燈🦐🔥 - URL: https://www.5news.com.hk/amexcan-yin-hui-zeng-yi-da-li-gaiashi-ce-fen-xiang-xiang-xiang-gang-han-jian-chao-ban-hong-xia-spaghettixian-wei-bao-deng/ - Published: 2025-09-09T07:03:45.000Z - Updated: 2025-10-19T06:17:13.000Z - Description: 白金咭$500餐飲回贈唔用真係蝕！ - Author: 5News編輯部 - Tags: #amex, 生活態度, 全部 話說 2025 年上半年 Amex 白金咭本地餐飲 $500 嘅簽賬回贈就快到期，心諗唔用就蝕底啦！🔥 於是即刻上[Amex 餐饗禮遇](https://www.americanexpress.com/zh-hk/benefits/offers/dining/global-dining-credit/)網站搵餐廳，無意中見到一間意大利餐廳——Gaia Ristorante。 一睇個名，就即刻諗起啲已經「上左岸」、唔駛點做等退休嘅 big boss。佢哋平時喺中環頂級會所如 Hong Kong Club、American Club、Bankers Club 同 Zetland Hall 出沒，閒時仲鍾意嚟 Gaia 食個 lunch，chill 住傾生意、連繫人脈。小編心諗：連啲 big boss 都幫襯，我都要親身去感受吓！😎 即刻動手上網 search 下啱唔啱食，見到網民狂讚佢哋嘅 Red King Prawn Spaghetti，話紅帝王蝦彈牙到似喺海底跳舞，意粉掛汁一流，蝦鮮味濃到爆！喺香港要搵到好食嘅紅蝦菜式真係唔容易。睇完食評再望吓環境，唔會太 over，價錢又幾親民，小編就決定喺一個平平無奇嘅 weekday 夜晚，親身去試吓！ ![AMEX白金卡本地餐饗回贈，分上下半年各$500。(資料來源：美國運通香港官方網站)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/1.-amex-website--1.webp) AMEX白金卡本地餐饗回贈，分上下半年各$500。(資料來源：美國運通香港官方網站) ![AMEX白金卡本地餐饗回贈，轉有網站搜尋餐廳。(資料來源：美國運通香港官方網站)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/1.-amex-website--2.webp) AMEX白金卡本地餐饗回贈，轉有網站搜尋餐廳。(資料來源：美國運通香港官方網站) ## 好似去了歐洲 Gaia Ristorante 位於上環，一出 MTR E2 出口就見到 Gaia 嘅招牌，街角靜靜地，彷彿置身歐洲街頭，氣氛悠閒，令人放慢腳步～✨ 入到去，餐廳氣氛非常舒適，全場只有三張枱，環境闊落，毫不擠迫。燈光柔和，空間感十足，整體感覺就好似置身一部文藝電影之中📽️～我哋坐低之後，決定分享兩道主菜：Red King Prawn Spaghetti 同 Lamb Chop Marinated with Herb。一試之下，每一啖都係味蕾嘅享受，彷彿展開咗一場味覺旅程。 0:00 /0:01 1× Gaia Ristorante 位於上環。(資料來源：5News編輯部) ### 西班紅蝦香辣蕃茄醬意粉 🦐 Red King Prawn Spaghetti 西班紅蝦香辣蕃茄醬意粉 $358：海鮮界嘅天花板 紅帝王蝦新鮮得令人驚艷，好似啱啱喺地中海游完一圈就上岸咁，蝦肉彈牙之餘仲 juicy 到爆，每一啖都係鮮味嘅全面爆發！意粉煮得啱啱好，保持住 al dente 嘅口感，完美掛住濃郁嘅蝦醬汁，仲帶有微微辣意，食落去就好似喺舌尖上演一場地中海風情嘅交響樂，層次豐富又充滿節奏感！🦐 我哋食到瞪大眼，心諗：呢碟意粉真係值得專程嚟朝聖! ![餐牌Red King Prawn Spaghetti 西班紅蝦香辣蕃茄醬意粉。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/3.-red-king--2--.webp) 餐牌Red King Prawn Spaghetti 西班紅蝦香辣蕃茄醬意粉。(資料來源：5News編輯部) 0:00 /0:08 1× Red King Prawn Spaghetti 西班紅蝦香辣蕃茄醬意粉。(資料來源：5News編輯部) ### 草烤香嫩羊扒 🐑 Roasted Lamb Chop 草烤香嫩羊扒 $348：香到想即刻打包返屋企！ 羊排用香草醃得非常入味，外層煎到焦香脆口，咬落去即刻感受到入面嫩滑 juicy 嘅肉質，濃郁嘅羊香瞬間爆發，仲滲出陣陣香草嘅清新氣息，味道層次分明，令人一啖接一啖停唔到口。配埋烤蔬菜同薯蓉，整體味道豐富又平衡，好味程度絕對拍得住五星級酒店嘅 signature dish，簡直係「香、嫩、爆汁、回味無窮」四大元素齊晒！🔥 最令人感動嘅係侍應哥哥嘅貼心服務，好似有讀心術咁，知道我哋係 share 菜式，特登等我哋食完意粉先煮羊排，確保每道菜都係熱辣辣上枱，食落去最啱時機。呢種細緻入微嘅安排，真係令人想即場畀佢一個 standing ovation！ 0:00 /0:01 1× Roasted Lamb Chop草烤香嫩羊扒。(資料來源：5News編輯部) ### 氣氛 + 服務：歐陸情調 Gaia 嘅裝潢走 old school 優雅路線，木製傢俬配上暖色燈光，整體感覺高貴得嚟又唔會太 high class 到令人有壓力，啱晒想浪漫一下但又唔想太拘謹嘅人～💑 仲有戶外座位可以望住新紀元廣場嘅噴水池，啱晒打卡，感覺好似喺拍《羅馬假期》咁夢幻～🌿📸 侍應個個都好有經驗，收碟斟水快手準確，平日人少，服務更加到位，食得超舒服。小編個平民心都忍唔住覺得自己飛咗一轉去咗意大利，享受咗一餐歐陸晚餐！✨ 0:00 /0:04 1× Gaia 嘅裝潢走 old school 優雅路線。(資料來源：5News編輯部) ### 💳 $200 埋單！ 真係唔係講笑！你無睇錯標題，埋單真係只係 $200！講漏咗小編揀 Gaia 嘅第三個原因——就係網上訂座有 9 折優惠！小編一向婆仔數性格，計到盡，埋單大約 $700，再扣埋 Amex 白金咭嘅 $500 本地餐飲回贈，實際只係俾咗 $200 就食到咁高質素嘅晚餐，性價比真係爆燈！💥 而且 Amex 嘅回贈係「秒贈」級別，無最低消費、無繁複條款，食完未消化完已經見到回贈入帳，抵到笑！ ## 想將 Amex 白金咭提升你生活升級嘅秘密武器？ ### 你嚟啱地方喇！ 其實唔少朋友都話 Amex 白金咭年費要畀 $9,500，好肉痛。但事實係，只要你真係識用、用得精，佢提供嘅服務同回贈絕對遠超年費，真正做到「駛得其所、用得其值」！ 5news 小編喺 Amex 白金咭 8 年忠粉，親身實測過無數次，已經化身成為精算師，將每一項優惠都發揮到淋漓盡致。由玩盡全球機場貴賓室、負$100 豪住 Ritz-Carlton、餐飲回贈到隠世康樂園私人會所，全部都係生活中實用又高質嘅禮遇。記住唔好錯過我哋嘅真實分享，教你點樣用得好、駛得精，將白金咭變成生活升級神器！ 🔗 即睇 5news 精選實測分享： - [AMEX 康樂園鄉村俱樂部｜白金卡忠粉 8 年實測 香港隠世後花園🌟](https://www.5news.com.hk/amex-kang-le-yuan-xiang-cun-ju-le-bu-bai-jin-qia-zhong-fen-8nian-shi-ce-xiang-gang-yin-shi-hou-hua-yuan/) - [AMEX｜白金咭$1100旅遊回贈唔用真係蝕！Ritz-Carlton 深圳實測分享！負HKD100豪住28個鐘！12PM check in; 4PM check out!](https://www.5news.com.hk/aemx-benefits-travel-1100-ritz-carlton/) - [AMEX餐飲回贈|新加坡藝 yì by Jereme Leung 🍴✨中式Fine Dining嘅驚喜之旅](https://www.5news.com.hk/amex-diningbenefit-yi-by-jereme-review/) ## 年薪要100萬? 仲有唔少朋友都擔心自己唔夠資格申請，特別係怕唔達到年薪 $100 萬門檻。不過其實只要你係 9 月尾前透過下面條 link 經 5news 申請，批核率真係倍升！💳 立即行動，唔好再等，生活升級就由呢一張卡開始！💼 開啟你嘅尊貴生活模式。呢張卡唔止係一張信用卡，佢代表住一種生活態度、一種對品質嘅追求！✨ > 可以去 [Amex餐飲回贈專頁](https://www.americanexpress.com/zh-hk/benefits/diningbenefit/)搵參與餐廳，全球超過2,000間，包括本地同海外高質餐廳🍽️💳。