> ## Content Index > Fetch the complete content index at: https://www.5news.com.hk/llms.txt > Use this file to discover other available public pages before exploring further. # CHANEL|小編親試3次修袋實錄 斷扣甩皮都救得返！ - URL: https://www.5news.com.hk/chanel-bag-repair-services-review-broken-buckles-peeling-leather-all-got-covered/ - Published: 2025-10-08T06:31:47.000Z - Updated: 2025-10-08T06:31:55.000Z - Description: 香港人買Chanel唔止係為咗靚，仲係一種品味同投資。但袋用得耐、擺得多，甩皮、扣斷、甩石、甩珠、甩Logo都唔係新鮮事。咁到底壞咗有冇得整？邊啲要收費？保養期有幾耐？又要等幾耐先整得好？ - Author: 5News編輯部 - Tags: #Chanel, 生活態度, 全部, Chanel 小編親身試過三次Chanel維修，今次就一次過同大家講清講楚！點樣網上預約、邊間門市最方便、幾時要畀錢、幾時可以免費整，仲有啲你唔講唔知嘅貼士，幫你慳錢又慳時間！ 睇完呢篇，就算你個袋甩晒皮都唔使驚——有得整！真係有得整！💼✨ ![CHANEL保養服務。(資料來源：CHANEL官方網站)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/1.-Chanel---------------2-.png.webp) CHANEL保養服務。(資料來源：CHANEL官方網站) ## 🧵 三次維修經驗逐個數 ### 💎 第一次｜2023年：耳環甩珍珠（尖沙咀海港城） - 🧏‍♀️ 問題：仿珍珠耳環上面甩咗3粒假珍珠 - 📍 地點：尖沙咀海港城 Chanel 店 - 📝 維修方式：Walk-in 即場交耳環 - 💰 費用：約 HK$450 - ⏳ 等候時間：3星期後收到SA WhatsApp，話要送去法國整，要等 5至6個月 🧡 感想： 補番上去嘅珍珠係新款「豬耳繩珍珠」，同原裝款式唔太夾，望落有啲突兀，成件飾物都冇晒原本嗰種精緻感。小編由此領悟：自己呢種粗手粗腳嘅人，真係唔啱玩Chanel Costume Jewellery 嘅珍珠款——雖然靚，但真係唔耐用，戴幾次就甩，心痛又麻煩！😩💔 ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/2023-1.PNG.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/2023-2.PNG.webp) Chanel職員跟進耳環甩珍珠，與小編透過Whatsapp對話。(資料來源：5News編輯部) ### 💼 第二次｜2024年：手袋扣斷（中環 Chanel & moi - Les Ateliers） - 👜 問題：袋蓋個扣斷咗 - 📍 地點：中環 Henley Building 22樓 Chanel & Moi 維修專門店 - 📝 維修方式：網上預約 - 💰 費用：$0 免費（保養期內） - ⏳ 維修時間：約 2個半月 🧡 感想： Chanel職員話近年先正式推出維修服務，依家Small Leather Goods（SLG）有2年保養期，而手袋Handbags就有足足5年保養期，期間袋有咩甩皮、甩扣、甩Logo，都可以免費整，夠晒貼心又有誠意！👏 (不過都要戴番個頭盔先——確實費用都係case by case㗎啦！) 聽完之後，小編即刻安心晒！👜以後買袋都多咗份信心，唔駛驚用耐咗會爛，有保養、有得整，買得安心，用得放心！ 💖 ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/2024-1.PNG-1.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/2024-2.PNG-1.webp) Chanel職員跟進手袋扣斷，與小編透過Whatsapp對話。(資料來源：5News編輯部) ### 👜 第三次｜2025年：鏈條掉皮（中環 Chanel & moi - Les Ateliers） - 👜 問題：鏈條位置甩皮 - 📍 地點：中環 Chanel & Moi 維修店 - 📝 維修方式：網上預約 - 💰 費用：約 HK$1000（過保養期） - ⏳ 維修時間：約 3個月 🧡 感想： 雖然要畀錢，但報價合理，整完之後袋靚晒，摸落都好新淨，值得！ ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/2025-1.PNG.webp) Chanel職員跟進鏈條掉皮，與小編透過Whatsapp對話。(資料來源：5News編輯部) ## 🌐 Chanel Repair & Care 網上預約流程 1. 去 Chanel 官網預約頁面🔗 2. 揀「Fashion → Repair and Care」 3. 揀地點（有8間） 4. 揀日期時間 5. 填基本資料：名、電話、Email (只需) 6. 即刻收到 Email 確認 7. 當日有職員打嚟確認詳情，夠晒有效率！ ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/-------------------2025-09-11-104639.png.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/-------------------2025-09-11-104722.png.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/-------------------2025-09-11-105038.png.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/-------------------2025-09-11-105233.png.webp) CHANEL預約流程。(資料來源：CHANEL官方網站) ## 🏬 香港 Chanel 維修門市一覽（共8間） | **🏢** **門市名稱** | **📍** **地址** | | --------------------------- | ----------------------------- | | Chanel & moi - Les Ateliers | 中環皇后大道中5號 Henley Building 22樓 | | Prince’s Building | 中環遮打道10號太子大廈 | | Harbour City | 尖沙咀廣東道3-27號海港城港威商場G/F及1/F | | Elements | 九龍柯士甸道西1號圓方商場 | | Lee Garden One | 銅鑼灣希慎道33號利園一期 | | Pacific Place | 金鐘道88號太古廣場商場225, 227及337號舖 | | The Peninsula | 尖沙咀梳士巴利道半島酒店 | | Times Square | 銅鑼灣勿地臣街1號時代廣場地下及一樓 | ### CHANEL & moi– Les Ateliers CHANEL：「摯誠呈獻CHANEL & moi– Les Ateliers特設服務空間，體現為每件CHANEL精品提供無微不至保養、維修及修改服務的承諾，以維護並重現每件精品的獨特個性。」 ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/-------------------2025-09-11-104554.png.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/09/-------------------2025-09-11-104622.png.webp) CHANEL & moi– Les Ateliers。(資料來源：CHANEL官方網站) ## 📝 小編貼士｜Chanel維修前要知 - 🧡 小編三次維修都冇帶單據，只係講返登記電話，職員一查就有紀錄，夠晒方便！ - 🧾 不過講到底，購買收據點都要保存好，萬一查唔到紀錄都仲有後備。 - 🕒 維修時間唔一定時快時慢，如果要送去法國整，真係要等足半年以上，要有心理準備。 - 📸 建議交袋前影張相，方便之後對比維修前後效果，有圖有真相，安心好多。 - ❌ Fashion accessories（特別係珍珠款）真係易甩，買之前要諗清楚，粗用人士慎選！ ## 🎀 袋壞唔等於袋完，識得保養就可以翻生！ 買 Chanel 唔止係買個袋，仲係買一份品味、一份信心。袋用得耐有啲小問題唔出奇，最緊要係識得點搞。小編三次維修經驗話你知：唔使驚、唔使慌、有得整、有得救！ 而家 Chanel 嘅保養服務夠晒系統、有誠意，無論你係珍珠甩、扣斷、皮甩、Logo 掉，只要識得楝、識得整，都可以靚返晒！👜✨ 👜💎 想幫你嘅 Chanel 寶貝「回春」？趁保養期未過，快啲上官網預約啦～一過保養期就冇咁著數喇！