> ## Content Index > Fetch the complete content index at: https://www.5news.com.hk/llms.txt > Use this file to discover other available public pages before exploring further. # 生日飯無頭緒? 香港瑞吉酒店L’Envol米芝蓮二星法菜初體驗🍷🌟🎂 - URL: https://www.5news.com.hk/dinner-ideas-experience-michelin-two-star-french-cuisine-at-lenvol-the-st-regis-hong-kong/ - Published: 2025-11-05T02:24:19.000Z - Updated: 2026-02-26T03:54:16.000Z - Description: 話說想推介興祝生日飯🎂，諗咗好耐到底喺香港去邊度慶祝先夠特別、夠儀式感。最後決定一於試下於灣仔瑞吉酒店3樓嘅米芝蓮二星法國餐廳 L’Envol！🌟🌟 七道菜都靚到唔捨得食📷，真係藝術品級享受🎨！ - Author: 5News編輯部 - Tags: #amex, #Fine Dining, #Marriott, 生活態度 ## Les Heritages 第一次試，當然要挑戰佢哋最signature嘅「Les Heritages」七道菜餐單啦～每位$2,988，價錢唔算親民，但都係嗰句：生日就係要再食好啲！🥂 我哋抱住超高期待入場，心諗：「到底係唔係真係值呢個價？」結果由頭到尾都冇令我哋失望，無論味道、擺盤、服務都係頂級享受 💯✨ ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/0--1-.JPG.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/0--2-.JPG.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/0--3-.JPG.webp) The St. Regis Hong Kong香港瑞吉酒店法國菜餐廳L’Envol獲得米芝蓮二星。(資料來源：5News編輯部) ## 開場小驚喜：魚子醬牛油！🧈✨ 楝完餐飲之後未正式入菜前，餐廳先送上嘅小食同埋麵包籃，當中最搶眼係 魚子醬牛油！呢個牛油係即席喺你面前放上魚子醬卷制出黎，再配上熱辣辣嘅法式麵包（有Brioche、Sourdough同Batard）。嗰陣香氣同口感真係不得了，仲未上第一道菜我已經將啲麵包清晒！😅 ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/0.-----------------1.JPG.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/0.-----------------2.JPG.webp) L’Envol主打魚子醬，法式麵包配魚子醬牛油。魚子醬喺L’Envol Perseus No.2(資料來源：5News編輯部) ## 7道菜逐一睇！🍴 ### 1\. LE CAVIAR OCIETRE PERSEUS NO.2 #### 法國蟶子配魚子醬忌廉 🦪 ###### *Brittany razor clams “à la marinière” & “No.2 Superior Osciètre” in two ways* 第一道菜LE CAVIAR OCIETRE PERSEUS NO.2就已經超有視覺衝擊力！法國布列塔尼蟶子用咗兩款方式呈現： 一款放喺酥皮上，蟶子切得薄薄，夾雜魚子醬果凍同乾魚子醬，似一朵向日葵！ 🌻 另一款係將 No.2 Superior Oscietre 魚子醬壓成忌廉，鋪喺蟶子殼上，上面再加啲魚子醬同輕煎蟶子片。蟶子鮮甜帶umami，咬落爽脆；魚子醬滑溜帶點鹹香，優雅得黎好有層次，簡直係皇室級享受！👑 ![香港瑞吉酒店法國菜餐廳L’Envol餐單Les Heritages嘅第一道菜：LE CAVIAR OCIETRE PERSEUS NO.2法國蟶子配魚子醬忌廉。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/1.JPG-3.webp) 香港瑞吉酒店法國菜餐廳L’Envol餐單Les Heritages嘅第一道菜：LE CAVIAR OCIETRE PERSEUS NO.2法國蟶子配魚子醬忌廉。(資料來源：5News編輯部) ### 2.L’OURSIN D’HOKKAIDO #### 北海道海膽配紅蝦及香脆小茴香 🦞 ###### *Hokkaido sea urchin, gamberoni prawn & crunchy fennel* L’OURSIN D’HOKKAIDO呢道菜係餐廳嘅招牌之一，靈感來自名廚Joel Robuchon。海膽係放喺魚子醬盒入面，底層係甜美紅蝦他他＋香脆小茴香，仲有蔥花點綴，賣相精緻又有層次。 每一羹都係甜甜幸福滋味：海膽 creamy 得嚟唔膩，紅蝦肉仔彈牙又鮮甜，口感層次超豐富，真係一試難忘 🥂😍 小編係紅蝦控＋海膽控，私心推爆！💥 ![香港瑞吉酒店法國菜餐廳L’Envol餐單Les Heritages嘅第二道菜：L’OURSIN D’HOKKAIDO北海道海膽配紅蝦及香脆小茴香。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/2.JPG-1.webp) 香港瑞吉酒店法國菜餐廳L’Envol餐單Les Heritages嘅第二道菜：L’OURSIN D’HOKKAIDO北海道海膽配紅蝦及香脆小茴香。(資料來源：5News編輯部) ### 3\. LA MAISON NORDIQUE CAVIAR OSCIÈTRE IMPÉRIAL DE SOLOGNE #### 法國藍龍蝦配白蘭地奶凍及魚子醬 🦐 ###### *Blue lobster with brandy "blanc manger" & caviar* LA MAISON NORDIQUE CAVIAR OSCIÈTRE IMPÉRIAL DE SOLOGNE呢道真係又另一款藝術品！喺用個透明玻璃器皿上放咗牛油慢煎煮過嘅藍龍蝦，肉質彈牙鮮甜，中間夾咗白蘭地奶凍，帶啲gelatin嘅口感。 底層係雜錦香料調味嘅龍蝦醬，上面再點綴魚子醬。龍蝦甜香＋微辣醬汁，味道好有記憶點。 最誇張係個玻璃器皿底仲襯托住個龍蝦頭做裝飾，好似藝術展咁靚，影相一流 🎨📸 0:00 /0:03 1× 香港瑞吉酒店法國菜餐廳L’Envol餐單Les Heritages嘅第三道菜：LA MAISON NORDIQUE CAVIAR OSCIÈTRE IMPÉRIAL DE SOLOGNE法國藍龍蝦配白蘭地奶凍及魚子醬 🦐。(資料來源：5News編輯部) ![香港瑞吉酒店法國菜餐廳L’Envol餐單Les Heritages嘅第三道菜使用LA MAISON NORDIQUE魚子醬。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/3.1.JPG.webp) 香港瑞吉酒店法國菜餐廳L’Envol餐單Les Heritages嘅第三道菜使用LA MAISON NORDIQUE魚子醬。(資料來源：5News編輯部) ### 4\. OMBRINE DE MÉDITERRANÉE #### 地中海烤爐魚配小麥及萵苣 🐟 ###### *Line-caught grilled ombrine, spelt & celtuce* OMBRINE DE MÉDITERRANÉE呢道菜用咗地中海線釣ombrine魚，肉質鮮嫩。烤得啱啱好嘅魚扒配上檸檬醬，酸度爽口，仲有嫩辣椒葉做配菜，旁邊嘅牛油醬將魚嘅鮮味再提升一個層次！真是一個清新又豐富嘅組合！🍋 0:00 /0:02 1× 香港瑞吉酒店法國菜餐廳L’Envol餐單Les Heritages嘅第四道菜：OMBRINE DE MÉDITERRANÉE地中海烤爐魚配小麥及萵苣 🐟。(資料來源：5News編輯部) ### 5\. LE PORC IBÉRIQUE “JOSELITO” / LE BŒUF WAGYU (選一) #### 西班牙黑毛豬配西洋菜及紅桑子 / 炭烤和牛配雞油菌及青蔥泡沬 ###### *Joselito Iberico pork with watercress, raspberry & pork jus / Charcoal-grilled Wagyu, spring onion emulsion & girolles* 今次揀完我最滿意嘅黑毛豬！一上枱賣相已經真係冇得輸！ 豬肉係慢煮完再用牛油煎到表面焦糖化，睇落已經好吸引～切開仲係完美嘅 medium rare，啖啖都 juicy 又嫩滑！配菜有西洋菜蓉同炒西洋菜，仲有紅桑子醬同黑毛豬汁，酸酸甜甜又帶啲鹹香，味道層次超豐富～食落去真係好似聽緊一場味蕾交響樂咁 🎶🎼 加插小驚喜：一粒迷你taco包住燉牛臉頰，上面有西洋菜，超級好食！ 0:00 /0:05 1× 香港瑞吉酒店法國菜餐廳L’Envol餐單Les Heritages嘅第五道菜：LE PORC IBÉRIQUE “JOSELITO”西班牙黑毛豬配西洋菜及紅桑子。(資料來源：5News編輯部) ### 6.LA DOUCEUR SURPRISE #### 精選時令甜品 🍮 ###### *Our pastry chef’s surprise delicacy* La Douceur Surprise甜品又係另一個嘅驚喜之作，用咗法國無花果做主角！底層係杏仁酥，托住無花果雪葩，四周係新鮮無花果片，上面有莓果果凍、雲呢拿忌廉同無花果醬，層次豐富得像一座味道金字塔！🗼 創意、賣相同味道小編我畀100分！(編按:餐牌中文譯名-精選時令甜品，失去精粹！) ![香港瑞吉酒店法國菜餐廳L’Envol餐單Les Heritages嘅第六道菜：LA DOUCEUR SURPRISE精選時令甜品 🍮。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/6.JPG.webp) 香港瑞吉酒店法國菜餐廳L’Envol餐單Les Heritages嘅第六道菜：LA DOUCEUR SURPRISE精選時令甜品 🍮。(資料來源：5News編輯部) ### 7.SOLEIL A NICE / LE CHOCOLAT (選一) 老總今次批咗我同攝影師兩個餐，所以可以試晒兩款甜點。 ### 7a.LE CHOCOLAT #### 朱古力梳乎厘配車厘子雪芭 🍫 ###### *70% Dark chocolate soufflé, cherry sorbet* Le Chocolat甜品有兩個選擇，我揀咗用76%單一產地苦朱古力整嘅梳乎厘，職員會喺你面前切開，加入朱古力醬同車厘子雪芭！🍒 雪芭嘅酸度平衡咗朱古力嘅濃郁，入口即化，好有儀式感！✨ 0:00 /0:29 1× 香港瑞吉酒店法國菜餐廳L’Envol餐單Les Heritages嘅第七道菜：LE CHOCOLAT朱古力梳乎厘配車厘子雪芭 🍫。(資料來源：5News編輯部) ### 7b.SOLEIL A NICE #### 雲呢拿米布甸配尼斯洋甘菊雪葩及柚子🍚 ###### *Vanilla rice pudding, tea sorbet, espuma & fresh pomelo* Soleil a Nice另一款甜品係雲呢拿米布甸，底層有香脆米粒，混入洋甘菊雪葩同泡沫，外面包住蛋白霜，旁邊有金色糖球同白朱古力花瓣，仲有新鮮柚子點綴，似足童話入面嘅甜品！🧚‍♀️ ![香港瑞吉酒店法國菜餐廳L’Envol餐單Les Heritages嘅第七道菜：SOLEIL A NICE雲呢拿米布甸配尼斯洋甘菊雪葩及柚子🍚。(資料來源：5News編輯部)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/7.2-.JPG.webp) 香港瑞吉酒店法國菜餐廳L’Envol餐單Les Heritages嘅第七道菜：SOLEIL A NICE雲呢拿米布甸配尼斯洋甘菊雪葩及柚子🍚。(資料來源：5News編輯部) ### 8.完場小甜點：Petite Fours 🍬 七道菜式過後，餐廳再準備咗精緻嘅petite fours，特別係啲朱古力，入口即化，甜度啱啱好，完美為呢餐畫上句號！😋 0:00 /0:05 1× 香港瑞吉酒店法國菜餐廳L’Envol餐單Les Heritages嘅第七道菜後，準備咗精緻嘅petite fours🍬。(資料來源：5News編輯部) ## 💁‍♂️ 服務同整體體驗 St.Regis喺萬豪集團主打嘅三大Luxury酒店之一。餐廳整體服務真係好專業，侍應有禮又有餐飲知識，會主動同你傾計、解釋每道菜式背後嘅設計，令整個用餐過程都好舒服、好有溫度！💫 特別要讚一位男侍應，由我哋一入座就笑容滿面，全程都好貼心照顧，講嘢又親切，令我哋感覺好似返到屋企咁～😊 美中不足嘅係，當晚一位女侍應，喺介紹菜式同餐單時，語氣略帶背誦說明味道同大聲，呢點就稍稍扣分啦。如果可以略為消化內容再去介紹，客人感覺會更好。 食飽會送上即影即有相片留念📸，儀式感滿分！L’Envol真心係香港數一數二嘅法國餐廳，味道、服務、環境都係頂級，強烈推介！💖 ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/9--0-.JPG.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/9--1-.JPG.webp) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/10/9--2-.JPG.webp) 食飽會送上即影即有相片留念📸，儀式感滿分！(資料來源：5News編輯部) ## 💰 價錢 & 優惠情報 當晚埋單大約 $6,8XX，雖然唔算大眾化，但以佢用料咁頂級、主廚嘅功力、味道咁出色，加埋整體體驗，絕對值回票價！ 如果你都想用優惠價試吓高質法菜，真係唔好錯過AMEX 白金卡做緊嘅【米芝蓮晚市買一送一】優惠！🔥 [AMEX優惠|白金卡神級回歸！米芝蓮晚市買一送一呀！ 💥各位卡迷、食神、American Express Platinum Card（AMEX白金卡）嘅卡主們！又嚟料喇！今次個優惠真心係癲咗，直頭係神級回歸！ 由而家開始，去到2026年2月28日，只要你係用AMEX白金卡，跟住喺指定網頁訂座，精選本地頂級食府嘅晚市套餐，竟然可以買一送一呀！😱 係買！一！送！一！ 呀！![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/icon/5news-Logo-500-14.png)5News - 5只新聞咁簡單！5News編輯部![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/thumbnail/AmexBrand_GourmetClubRevamp_DiningHub_1200356_Output_CN.jpg-1.webp)](https://www.5news.com.hk/amex-benefits-amex-gourmet-club-order-for-two-pay-for-one/) AMEX優惠｜白金卡神級回歸！米芝蓮晚市買一送一呀！💥 仲未有白金卡？真係要快啲申請啦～小編已經係 AMEX 白金忠粉 8 年，Chill 住六星級酒店、食盡全港高級餐廳、飛得舒服 ✈️、住得豪 🏨、食得精 🍽️，生活質素真係唔同晒！ [AMEX|AMEX白金卡 年費回本6項攻略(一文睇晒)🔥想知$9,500年費值唔值？呢篇就係你嘅懶人包！由迎新優惠、餐飲回贈、旅遊信用、機場貴賓室、酒店升級，到日常生活福利（電影優惠、City Super折扣、旅遊保險），逐項幫你計清楚點樣回本，仲有Tips教你點玩到盡！![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/icon/5news-Logo-500-15.png)5News - 5只新聞咁簡單！5News編輯部![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/thumbnail/amex-6-strategies-to-maximize-your-amex-platinum-card-annual-fee-value-all-in-one-article.png.webp)](https://www.5news.com.hk/amex-6-strategies-to-maximize-your-amex-platinum-card-annual-fee-value-all-in-one-article/) AMEX｜白金卡年費回本6項攻略🔥 一文睇晒！（附link） ### 餐廳資訊 📍 L’Envol - - 地址：3/F, The St. Regis Hong Kong, 1 Harbour Drive, 灣仔港灣徑1號香港瑞吉酒店3樓（3-min walk from Exit B1, Exhibition Centre Station 港鐵會展站B1出口，步行約3分鐘） - 電話：2138 6818 - 簡介：米芝蓮二星餐廳L’Envol由法籍主廚Olivier Elzer掌舵，用法國同亞洲時令食材，炮製創新高級法國菜。Elzer有20多年經驗，係香港頂尖法餐主廚之一，喺味道同技巧上不斷創新，為法國菜重新定義！ - 獎項：米芝蓮一星（2020）、米芝蓮二星（2021-2025）