> ## Content Index > Fetch the complete content index at: https://www.5news.com.hk/llms.txt > Use this file to discover other available public pages before exploring further. # 東張|情癡女巴迷狂追 不堪纏擾車長Alex離職 - URL: https://www.5news.com.hk/dong-zhang-qing-chi-nu-ba-mi-kuang-zhui-bu-kan-chan-rao-che-chang-alexli-zhi/ - Published: 2025-06-05T09:39:55.000Z - Updated: 2025-06-06T08:26:01.000Z - Description: 近日，電視節目《東張西望》報導咗一宗巴士車長 Alex同一名女巴士迷嘅事件，引起社會廣泛關注。事件涉及長期跟蹤、偷拍、騎單車追巴士，甚至車長個人資料被公開，更最終導致Alex被迫選擇離職。事後，巴士公司回應傳媒查詢時直指涉事車長已離職，不便評論事件。 - Author: 5News編輯部 - Tags: 熱話, 社區關注, 全部 ## 入職首3月即遇狂迷 Alex 於去年(2024年)3月加入九巴，原本只係一名普通巴士車長，點知入職唔夠3個月，就遇到一名19歲嘅女巴迷。 起初，女巴迷只係影相。但隨住時間推移，女巴迷嘅行為就越嚟越過份。 呢名女巴迷每日都喺 Alex返工嘅車站附近徘徊，影相、拍片，甚至騎單車追逐巴士。佢嘅行為唔單止影響 Alex 嘅駕駛，更可能危乘客同途人嘅人身安全。 ![女巴迷每日都喺 Alex返工嘅車站附近徘徊，影相、拍片，甚至騎單車追逐巴士。(圖片來源：電視截圖)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/06/image-2.png) 女巴迷每日都喺 Alex返工嘅車站附近徘徊，影相、拍片，甚至騎單車追逐巴士。(圖片來源：電視截圖) ## 滋擾行為 變本加厲 但佢並未停止行為，甚至變本加厲。 佢唔單止長期跟蹤 Alex，仲將佢嘅全名、肖像、住址同埋家庭狀況，喺社交平台上公開，令Alex感到極大困擾。佢嘅行為，其實已經好有可能干犯《起底罪》。即使Alex 曾經警告佢，但情況仍然持續。 ![全名、肖像、住址同埋家庭狀況，喺社交平台上公開，令Alex感到極大困擾。(圖片來源：電視截圖)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/06/image-3.png) 全名、肖像、住址同埋家庭狀況，喺社交平台上公開，令Alex感到極大困擾。(圖片來源：電視截圖) ## 起底=刑事罪行 根據香港個人資料私隱專員公署嘅資料指出，起底罪行喺屬於刑事罪行，性質嚴重，罰則最高可以達到100萬同埋監禁5年。不過，似乎呢位女巴迷冇將法律放喺眼內。 ![起底罪行嚴重性及罰則。(資料來源：香港個人資料私隱專員公署)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/06/image-1.png) 起底罪行嚴重性及罰則。(資料來源：[香港個人資料私隱專員公署](https://www.pcpd.org.hk/tc%5Fchi/doxxing/files/antidoxxing%5Fleaflet%5Fc.pdf)) ## 突如其來 絕地表白 喺《東張西望》節目中，女巴迷趁Alex休息果時向佢表白：**「其實我鍾意咗你。**」但Alex直接拒絕：**「你鍾意咗我關我x事？」**表示自己對佢完全冇好感。 呢一幕唔止女巴迷，亦都令觀眾同為震驚。網民熱烈討論痴纏行為應唔應該被容忍。 ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/06/-------1.png) ![](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/06/-------2.png) 女巴迷趁Alex休息果時向佢表白：****「其實我鍾意咗你。**」。(圖片來源：電視截圖) ## 無誠意道歉 無奈結局 節目最後安排女巴迷向Alex道歉，但整個過程女巴迷仍然一臉嘻皮笑臉，令Alex直言佢冇誠意，表明唔接受佢嘅道歉。 結局更令人無奈嘅係，Alex最終選擇離職。 ![社會評論。(圖片來源：網站截圖)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/06/image-5.png) 社會評論。(圖片來源：網站截圖) ## 社會反應 事件曝光後，網民普遍認為，女巴迷嘅滋擾行為令車長承受住巨大壓力，甚至最終影響到佢嘅職業生涯，導致佢被迫辭職，令人惋惜。 - 「就算佢靚女都唔得啦，呢 D 遲早會係恐怖情人！」——強調滋擾行為不可合理化。 - 「不停影相又唔知幾時彈出嚟，仲要起人底，巴士司機喺呢啲無形壓力下隨時會有意外發生。」——指出滋擾行為可能影響公眾安全。 - 「最後如果比佢影響到冇左份工，多得佢唔少。」——反映滋擾行為可能影響當事人職業生涯。 ![社會評論。(圖片來源：網站截圖)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/06/image-6.png) 社會評論。(圖片來源：網站截圖) ![社會評論。(圖片來源：網站截圖)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/06/image-10.png) 社會評論。(圖片來源：網站截圖) ## 巴士公司~~冇~~有回應 ![九巴回覆指涉事車長已離職，不便評論事件，顯示公司未有進一步介入或回應事件。(圖片來源：電視截圖)](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/06/image-8.png) 回覆傳媒查詢顯示公司未有進一步介入或回應事件。(圖片來源：電視截圖) 事件曝光後，相關傳媒曾向Alex任職巴士公司查詢，但公司回覆指「**有關車長現已離職，九巴不便評論事件。」**，顯示巴士公司未有進一步介入或回應事件。 ## 5news點睇 雖然事件引起社會廣泛討論，但巴士公司未有就如何處理類似事件、點樣保護員工作出詳細交代。部分市民認為公司應該提供更多保障，例如加強員工私隱保護措施、為受滋擾員工提供支援，避免事件重演。 事件看似已經告一段落，但對社會嘅影響仍然深遠。今次事件令公眾關注滋擾行為對前線工作者嘅生活同工作嘅影響，同時亦令大家思考機構喺員工保護方面應該承擔嘅責任係咪足夠。