> ## Content Index
> Fetch the complete content index at: https://www.5news.com.hk/llms.txt
> Use this file to discover other available public pages before exploring further.

# 日本首相石破茂被評「吃相難看」、不符政治人物形象嘅期待
- URL: https://www.5news.com.hk/ri-ben-shou-xiang-shi-po-mao-bei-ping-chi-xiang-nan-kan-bu-fu-zheng-zhi-ren-wu-xing-xiang-kai-qi-dai/
- Published: 2025-05-05T21:05:00.000Z
- Updated: 2025-06-01T02:52:36.000Z
- Description: 最近，日本首相石破茂因為用餐時嘅舉止引發咗網民嘅熱議。佢喺APEC會議期間嘅一次用餐行為被批評為舉止失禮，甚至有網民戲稱佢嘅「吃相難看」，認為咁嘅表現唔符合日本社會對政治人物形象嘅期待。
- Author: 5News編輯部
- Tags: 熱話, 全部

![日相吃相難看被公審。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/05/image-3.png)

日相吃相難看被公審。(圖片來源：[kelvinkentoliver@Threads](https://www.threads.com/@kelvinkentoliver/post/DB9IK0qtZcV/%E8%81%BD%E8%AA%AA%E7%9F%B3%E7%A0%B4%E8%8C%82%E5%9B%A0%E7%82%BA%E5%90%83%E7%9B%B8%E9%9B%A3%E7%9C%8B%E7%B4%94%E7%89%A9%E7%90%86%E8%A2%AB%E6%AA%A2%E8%A8%8E%E5%8F%AF%E6%98%AF%E6%97%A5%E6%9C%AC%E4%BA%BA%E9%82%84%E7%9C%9F%E7%9A%84%E6%B2%92%E7%9C%8B%E9%81%8E%E4%BB%80%E9%BA%BC%E5%8F%AB%E5%90%83%E7%9B%B8%E9%9B%A3%E7%9C%8B%E4%BE%9D%E7%84%B6%E7%B4%94%E7%89%A9%E7%90%86%E6%88%91%E5%80%91%E5%8F%B0%E7%81%A3%E9%A0%98%E5%85%88%E6%97%A5%E6%9C%AC%E6%95%B4%E6%95%B4%E5%8D%81%E5%B9%B4))

此外，網絡上流傳咗唔少石破茂過去用餐嘅圖片，顯示佢喺飯局上拎碗嘅方式、用筷子嘅習慣等，都同日本傳統嘅餐桌禮儀有所不同，亦都引發咗唔少批評。呢場「吃相風波」唔單止影響咗佢嘅個人形象，都讓公眾重新關注政治人物喺公共場合嘅舉止係咪應該更加符合社會期待。

## 吃相難看「罪名」

根據網絡上嘅唔少討論，日相石破茂嘅「吃相難看」罪證列舉：  
•**拎碗方式**：佢曾被拍到用食指勾住碗口，呢種方式喺日本傳統餐桌禮儀中並唔常見。  
•**揸筷子**：有圖片顯示佢將筷子當作刀叉來切魚，呢種用法亦都引起咗網民嘅批評。  
•**手臂放喺枱**：喺用餐時，佢將手臂放喺枱上，喺日本嘅餐桌禮儀入面被認為喺唔太禮貌嘅行為。

![石破茂4年前的影片突然在社群媒體流傳，他使用筷子與拿碗方式引發日本網友批評。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/05/image.png)

石破茂4年前的影片突然在社群媒體流傳，他使用筷子與拿碗方式引發日本網友批評。 (圖片來源：矢板明夫@Facebook)

## **大家點認為「吃相難看」**

![吃相難看資料圖片。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2025/05/image-2.png)

吃相難看資料圖片。(圖片來源：[Meme 梗圖倉庫](https://memes.tw/wtf?template=24885))

指喺吃飯果時嘅舉止不雅或者唔符合餐桌禮儀。綜合日本網上意見，咁邊啲係「吃相難看」：  
•**狼吞虎嚥**：食飯速度過快，好似怕嘢食被人搶走。  
•**JiJi聲**：𡁻嚼果時發出過JiJi聲，影響其他人嘅食慾。  
•**挑食**：用筷子喺餸入面揀來揀去，去揀自己鍾意嘅嘢食。  
•**含住食物時講嘢**：噴出嘅食物殘渣，令人作嘔。  
•**剔牙/呻鼻涕**：無遮無掩，直接剔牙或者呻鼻涕。  
•**食嘢果時製造雜音**：例如用匙羹敲碗或筷子敲枱。  
•**食飽後好粗魯咁放筷子**：例如直接掟筷子。

呢啲行為喺日本通常被人認為係冇禮貌，尤其喺正式場合或者同朋友食飯果時。下次去日本旅遊，記得留意吓。  
咁你又會覺得邊啲行為最令人接受唔到呢？

## 中餐禮儀

中國人同日本人一樣，有一套餐桌禮儀。集合歷史體現尊重、禮貌同社交文化。我哋列舉咗一啲重要嘅：  
•**入座禮儀**：長輩或者貴賓先入座係常識，原來仲有「尚左尊東」呢樣嘢，即係左邊/東邊喺貴賓座。  
•**餐具使用**：筷子喺主要餐具，唔可以用嚟指人或者敲打碗碟，亦都絕對唔可以插喺飯碗入面，因為似插香，死梗。  
•**夾餸**：要用公筷，尤其南方，避免用自己嘅筷子直接夾枱上嘅餸。  
•**嘴嚼**：食果時唔好發出聲音，唔好狼吞虎嚥，更加唔好邊吃邊講。阿爺話：食不言，寢不語⋯⋯  
•**敬酒文化**：喺正式場合，敬酒果時通常由地位較高者先舉杯。  
•**餐後禮儀**：吃飽後，要將餐具放返整齊，記得講多謝。

## **禮儀=教養=未來人生?**

傳統教育觀念，餐桌禮儀同教養存在密切嘅關係，因為佢反映咗一個人嘅禮貌、尊重他人以及對社交規範嘅理解。喺唔同社會文化入面，餐桌禮儀甚至視為係家庭教育嘅一部分，能夠展現出個人修養同品格。例如：華人社會特別重視餐桌上嘅行為，認為良好嘅餐桌禮儀能夠體現果個家庭嘅教養同社交能力。  
另外，餐桌禮儀唔單止喺形式上嘅規範，核心仲係尊重他人嘅表現。細節都能展現一個人嘅自律性同同理心。有啲研究甚至指出，小朋友嘅餐桌行為，可能影響佢哋未來嘅社交能力同自我管理能力。

**講咗咁耐，你認為餐桌禮儀真喺能夠影響一個人嘅社交嗎？定係覺得佢只係歷史長輩意義？**