> ## Content Index > Fetch the complete content index at: https://www.5news.com.hk/llms.txt > Use this file to discover other available public pages before exploring further. # 遊日|東京近郊一日睇「真．厚雪」新潟越後湯澤日歸攻略｜唔滑雪都值得去？ - URL: https://www.5news.com.hk/travel-japan-echigo-yuzawa-snow-daytrip-guide/ - Published: 2026-02-02T07:39:41.000Z - Updated: 2026-02-02T12:18:53.000Z - Description: 由東京出發約 75 分鐘即可到達的新潟越後湯澤，一日內體驗厚雪、雪山、小鎮與雪國列車景色。本文整理非滑雪人士都適合的越後湯澤日歸路線，包括湯澤高原纜車、車站周邊美食與清酒館，以及豪雪天氣下的行程注意事項。 - Author: 5News編輯部 - Tags: #Japan, #Travel, 旅遊, 全部 講起東京附近睇雪，最多人第一時間諗到河口湖、輕井澤。不過如果你想見到嘅唔只係「地面鋪層白色」，而係真正豪雪地區先有嘅厚雪、雪山、小鎮白到發光嘅畫面，其實有一個地方 —— 新潟．越後湯澤。 由東京搭新幹線約 75 分鐘，唔洗轉車，已經可以由高樓林立，直接切換成《雪國》小說入面嗰種世界。一日來回，行程鬆動，就算完全唔滑雪，都行得好舒服。 ![越後湯澤站外一帶可見厚厚積雪覆蓋道路及周邊環境，呈現典型新潟豪雪地區冬季景象。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/1.JPG-1.webp) 越後湯澤站外一帶可見厚厚積雪覆蓋道路及周邊環境，呈現典型新潟豪雪地區冬季景象。 ## 點解揀越後湯澤？ ### 東京近郊「見到厚雪」成功率最高之一 越後湯澤位於新潟縣南端，冬季降雪量高，屬日本具代表性嘅豪雪地區，亦係川端康成小說《雪國》嘅創作背景之一。相比東京近郊其他地方，呢度更容易見到厚雪，而且交通集中，一日來回都行得順。 - ✔ 積雪厚度穩定 - ✔ 車站集中、唔洗周圍轉 - ✔ 雪景唔止一個角度（山頂、小鎮、火車沿線） 對第一次想近距離睇厚雪、又唔想安排過夜行程嘅人嚟講，容錯率相對高。 ![越後湯澤站附近一般街道被積雪覆蓋，街景寧靜而富層次感。當地亦因日本文學家川端康成小說《雪國》而廣為人知，書中描寫的雪景、小鎮與溫泉氛圍，正正以越後湯澤一帶作為創作背景。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/2.JPG-1.webp) 越後湯澤站附近一般街道被積雪覆蓋，街景寧靜而富層次感。當地亦因日本文學家川端康成小說《雪國》而廣為人知，書中描寫的雪景、小鎮與溫泉氛圍，正正以越後湯澤一帶作為創作背景。 ## 東京出發｜新幹線買飛要留意一件事 ### 🚄 東京站出發（例：07:48）乘搭上越新幹線 ⚠️ 買飛時有個細位要睇清楚部分班次嘅終點站係 「GALA 湯澤站」，落車即達 GALA 滑雪場，對滑雪人士非常方便。 👉 如果你想行小鎮、食嘢、搭 JR 支線👉 建議買到「越後湯澤站」 ### 第 1 站｜湯澤高原滑雪場（觀光路線） 一落車未必一定要衝去滑雪場，其實湯澤高原係一個對「唔滑雪人士」非常友善嘅選擇。 🚡觀光纜車票：約 ¥3,500／人（只上山睇雪景，不用滑雪）[KKday.com購票](https://www.kkday.com/zh-hk/product/133954-yuzawa-kogen-ropeway-niigata-japan) 🏂 滑雪一日券：約 ¥6,900／人（如需要）[KKday.com購票](https://www.kkday.com/ja/product/133524-yuzawa-kogen-ski-resort-day-ticket-niigata-japan) 湯澤高原滑雪場官方門票價目表: ### 點解揀湯澤高原？ - 由越後湯澤站步行約 700 米 - 或搭巴士約 5 分鐘 - 人流相對 GALA 分散，影相位多 上到山頂，最直觀嘅感覺係：雪唔係鋪喺度，而係堆喺度。遠處雪山一層疊一層，視野開揚，完全係城市入面見唔到嘅畫面。 ![湯澤高原即使唔滑雪，只坐纜車上山，都可以見到連綿雪山景色。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/3.JPG.webp) 湯澤高原即使唔滑雪，只坐纜車上山，都可以見到連綿雪山景色。 山頂設有餐廳同咖啡店，行到凍可以入去休息。落山後，可以慢慢步行返車站。 途中會經過一個影相熱門地點。 ### 📍 雪國之碑 ![《雪國》小說相關地標，配合雪山背景，係越後湯澤代表性影相位之一。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/4.jpg.webp) 《雪國》小說相關地標，配合雪山背景，係越後湯澤代表性影相位之一。 ## 第 2 站｜越後湯澤站周邊：食、買、浸足湯 越後湯澤站本身就已經夠行。 ### 小鎮雪景 - 四周被雪山包圍 - 溪流旁邊溫泉冒住熱氣 - 晴天時積雪慢慢融化，反光效果好明顯 ![越後湯澤站外，小鎮被白雪包圍，晴天時雪面反光，非常適合拍照。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/5.JPG-1.webp) 越後湯澤站外，小鎮被白雪包圍，晴天時雪面反光，非常適合拍照。 ### 🍶 ぽんしゅ館（清酒自助博物館） - 入場：約 ¥500 - 代幣形式試飲不同清酒 - 有清楚分類同推薦表 - 提供熱水，可試暖酒 ![ぽんしゅ館清酒試飲區，集合新潟多款清酒，即使唔熟酒都可以當文化體驗。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/6.JPG.webp) ぽんしゅ館清酒試飲區，集合新潟多款清酒，即使唔熟酒都可以當文化體驗。 ### 🍦 糀らって（糀雪糕） - 價錢：約 ¥440 - 口感偏綿密濃郁 - 味道自然，唔算好甜 ![糀雪糕屬於雪國名物之一，味道自然型，作為旅途小食剛好。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/7.JPG-1.webp) 糀雪糕屬於雪國名物之一，味道自然型，作為旅途小食剛好。 ### ♨️ 免費足湯＋手信區 - 特產集中，好易買 - 車站外有免費足湯 - ⚠️ 記得自備毛巾 ![越後湯澤站外免費足湯，行完雪地後浸一陣足湯，對旅客相當友善。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/8.1.png.webp) 越後湯澤站外免費足湯，行完雪地後浸一陣足湯，對旅客相當友善。 ![越後湯澤站外手信區，特產集中，好易買。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/8.2.JPG.webp) 越後湯澤站外手信區，特產集中，好易買。 ## 第 3 站｜大澤：雪山下嘅安靜角落（視天氣前往） ### 🚉 交通 - 由越後湯澤站乘搭 JR 上越線 - 約 2 個站 到達大澤站 - 班次約 一小時一班，記得預留時間 ### ⚠️ 購票及乘車注意事項（重要） - 大澤站屬於 無人車站 - 唔支援 Suica／ICOCA - 由越後湯澤出發前，需 用現金買好車票 - 回程時： - 先喺候車室機器 領取乘車證明 - 返到越後湯澤站後，到 閘口精算機補票 ### ⛩️ 大澤神社行程提醒 - 原本可前往欣賞雪山下神社景色 - 近期落雪量大，部分路段可能 被雪封 - 積雪深度有機會 達腰部 - 👉 天氣不穩或大雪時，建議只喺車站附近影相，唔好勉強前往 ![大澤駅周邊積雪厚實，白雪覆蓋道路與建築，非常適合拍照打卡。](https://storage.ghost.io/c/3a/55/3a558e15-07f0-4658-8806-c5a29d8cc457/content/images/2026/02/9.JPG.webp) 大澤駅周邊積雪厚實，白雪覆蓋道路與建築，非常適合拍照打卡。 ## 總結｜邊類香港旅客最啱？ 適合你如果你係： - ✔ 想一日內見到「真正厚雪」 - ✔ 唔滑雪都想感受雪國氣氛 - ✔ 想影雪山、小鎮、火車窗景 - ✔ 唔想拉行李、唔過夜 如果主要目的係滑雪，反而可以直接揀 GALA 湯澤；但如果你只係想近距離感受雪國日常，越後湯澤會更平衡。 如果對越後湯澤一帶嘅滑雪體驗都有興趣，亦可以參考 5news 早前整理嘅： 〈20260128 東京近郊滑雪日歸攻略｜第一次滑雪都啱去？GALA 湯澤交通、天氣、租借與雪道實測〉，了解GALA 湯澤作為初學者滑雪場嘅實際情況，同日歸安排上有咩要注意。