Hermès / Chanel / Dior / Prada 名牌 $500聖誕送禮攻略 🎁✨🎄
聖誕就快到啦～🎅🏻🎄 每年最令人頭痛嘅問題就係：送咩禮物先夠體面，又唔會爆 budget？ 原來Hermès、Chanel、Dior、Prada 都有幾百蚊埋單嘅小巧精品，包裝靚到令人心心眼，實用又高貴。送出去有面子，收禮嗰刻對方一定會話：「哇～好有心！」💝
聖誕名牌送禮編輯推介 $520以下！
Chanel COCO MADEMOISELLE 美髮香水 35ml – $520 💖
Chanel COCO MADEMOISELLE Parfum Cheveux Hair Perfume
COCO MADEMOISELLE樽身以方正為基調，一望就已經超有排場 🫶🏻。但呢款並唔係普通香水，而係專為頭髮設計嘅「髮香」✨。只需幾百蚊，就可以擁有 Chanel 經典香氣，性價比極高！
- 噴上頭髮唔會笠、唔會乾，仲有保濕成分，吹頭髮時自然散發清新琥珀玫瑰香 🌹
- 磨砂粉紅樽身 + Chanel 紙袋，一拎出街即刻高級感爆棚 💎
- 輕巧易攜，放手袋隨時補香 👜
- 可單獨使用，亦可以配合香水增添層次 ✨
👉 適合送俾注重形象、愛香水嘅朋友，低調奢華又充滿心思
Chanel COCO MADEMOISELLE Parfum Cheveux Hair Perfume。(資料來源：CHANEL官方網站/社交平台)
Hermès Les Mains Hermès滋養護甲油 15ml – $500 🧡
Hermès Les Mains Hermès Nourishing oil 15ml
愛馬仕經典橙盒小物！一打開盒，橙色已經贏晒 🤩。幾百蚊就可以擁有 Hermès 儀式感，送禮自用都一樣高貴。
- 成分：5 種植物油 + 乳香樹脂 + 桑樹精華 + 維他命 E，查完指甲即刻bling bling，指緣仲好柔軟💅🏻
- 質地清爽：完全唔油膩，10 秒極速吸收，仲可以當甲油前底油 ✨
- 設計精緻：樽身由 Pierre Hardy 設計，擺喺化妝枱都係藝術品 🎨
- 橙盒加持：Hermès 經典橙盒，儀式感爆燈 🎁
依家天氣乾燥，好容易爆甲、指甲邊出倒刺。呢款護甲油成份天然，用得安心，男女老幼都啱用，實用又靚。
👉 適合送俾愛美甲、會生倒刺嘅朋友，Hermès 橙盒一出，即刻好體面
Hermès Les Mains Hermès Nourishing oil 15ml。(資料來源：社交平台)
Prada Infusion d’Iris 護手霜 50ml – $500 💚
Prada Infusion d’Iris Hand Cream 50ml
冬天必備嘅護手恩物！Prada 將鳶尾花香融入護手霜之中，質感清爽又高級，送禮自用都一樣出色。樽身設計簡約時尚，綠色外觀配上經典三角 Logo，拎出嚟已經好有格調，影相打卡更係極吸睛 📸。
● 設計亮點：綠色樽身 + Prada 經典三角 Logo，簡約中見高級，打卡極吸睛🟩📸
● 水感質地：完全唔笠手，擦完即刻吸收，淡淡鳶尾花 + 木質香氣，清爽又耐聞 🌸🌳
● 網民好評：一致大讚「水感清爽、不油膩」，仲話用完雙手柔滑得嚟又有淡淡香氣 🫶🏻
● 護膚功效：除咗滋潤雙手，仲可以保護指緣、強韌指甲，真正做到全方位呵護 ✨
👉 適合送俾 OL 或成日洗手嘅朋友，冬天護手必備，實用又強高級感。仲特別啱送俾愛靚打卡嘅朋友，單單拎嚟影相打卡都已經贏晒！ ✨
Prada Infusion d’Iris Hand Cream 50ml。(資料來源：Prada官方網站/社交平台)
Dior 傲姿潤唇膏 – $390（最平！） 🌸
Dior Rouge Dior Balm
最親民嘅 Dior！只需 $390 就可以入手，仲要係有色潤唇膏，實用度爆燈。外殼設計優雅，綴有 CD 銀色logo，每次拎出嚟補唇都好有排場，送禮自用都一樣開心。更貼心嘅係用完仲可以替換色芯，環保又長用。
● 天然成分：95% 天然來源，含紅牡丹花、石榴花萃取，再加乳木果油，深層滋潤雙唇，提供 48 小時保濕 💧
● 百搭色調：000 Natural、001 Pink、012 Rosewood 三個色超百搭，單用自然顯色，打底再疊唇膏更有層次 💄
● 設計亮點：外殼綴有 CD 銀色 logo，手袋必備小物，每次見到都心情大好 ✨
● 護唇功效：除咗保濕，仲有 24 小時柔滑效果同舒適感，日復日令雙唇更水嫩動人 🌸
👉 價錢親民，包裝高貴，潤唇膏永遠係最實用嘅禮物。送俾朋友、同事或者自己用都啱，性價比爆表！ 🎁
Dior Rouge Dior Balm。(資料來源：Dior官方網站/社交平台)
🎁 送禮小貼士 💡
- 包裝先行：經典橙盒、聖誕限定包裝，一拎出嚟未拆已經好有氣氛，視覺效果滿分 ✨
- 實用至上：人人都有護理需要，送咗就唔怕嘥左，一定用得着 👍
- 價錢合理：送多幾份都唔會 out budget，又有奢華氛圍，送禮零壓力 💎
- 咩人都岩：香水、護手霜、潤唇膏，無論男女朋友、家人定同事都啱送，實用又貼心 👩❤️👨
🎁 總結：$500 蚊以內大牌送禮攻略
- 想要最高級感 → Hermès 經典橙盒 🧡
- 想要最香最出位 → Chanel 美髮香霧 💖
- 想要最實用又靚樽 → Prada 護手霜 💚
- 想要最抵買有 Dior → Rouge Dior Balm 🌸
今個聖誕唔使再頭痛啦！快啲衝去專櫃掃貨，包裝紙一包、絲帶一綁，未拆已經好有氣氛 🎀。對方未拆都要影上相先🤭
💡 記住：有心 + 有牌 = 雙贏！ 無論送俾朋友、家人定同事，都能夠送到體面又窩心，聖誕氛圍滿分！✨
