新訊5台

喺好耐好耐以前，阿爺講新聞就係執字粒先好睇。近返啲，阿爸話睇新聞就係當年主播鬥靚嘅6:30大台報道，阿媽就話新聞咪就係睇人哋飛匙卜。嚟到而家，家姐話「吓！新聞咪IG囉。」

我哋結論話：新聞？Out喇。新嘅資訊唔只新聞咁簡單！

我哋冇記者

IG冇記者、Tiktok冇記者、YouTube都冇記者，咪一樣有大把資訊睇。我哋唔玩局限，冇框框，唔標籤寫新聞係乜嘢身份。新聞應該係身邊事、應該係乜都講、應該係乜都寫、應該係乜都報！只要係真！

我哋冇專業

真正專業嘅唔會將天災變成死傷數字化，真正專業嘅唔會標題黨冇內容，真正專業嘅唔會將社區事當熱話，真正專業嘅唔會聽廣告商爸爸話。

所以⋯⋯
我哋冇專業關心嘅故事，我哋關心嘅係每單新聞嘅社會價值。
我哋冇專業關心嘅收視，我哋關心嘅係每單新聞嘅人和事。

我哋冇操守

我哋題材抄返嚟，我哋用A.I.幫手，我哋人小小，我哋敢做敢認！
為咗社會人和事，我哋乜方法都會試！

我哋冇規矩

一個講晒，規矩邊個定？

有乜噏？

❌新聞 vs ✅新訊

認認真真睇新聞，唔該去返嚿陣屎，唔該去返東南西北同01。
我哋睇嘅係資訊，唔好下下咁認真，重點係輕鬆。

題材分類

你想我同你講：本地、國際、中國、娛樂，呢啲？
我想同你講，文字表達到嘅，都喺資訊，我哋都會有。(影片就⋯⋯睇TikTok啦)

One more thing...我哋講同寫都係廣東話(P.S.:我們寫說都是粵語)。