SFAA|學貸還款通知：你收到通知書未？(附：延期還款申請連結)
2019疫情期間，香港政府為咗紓緩學貸人嘅財政壓力，宣布喺2020年4月1日提供免息延遲償還貸款安排，中間一再延長，直至去到2025年3月31日，足足長達五年。所有合資格嘅學貸人喺暫緩期入面，都唔使償還本金同利息。
🚨 重要提醒！按季還款繳款單📅6月上旬陸續發出，你準備好未？
記住睇吓郵箱，確保財務安排順利，千祈唔好錯過還款時間！🔔
還款單 6月發出
免息延遲償還安排已經喺2025年3月31日完結，喺4月1日起貸款利息正式恢復計算，大家要開始還款啦！
緊記還款時間！
- 按月還款：首個還款到期日係2025年5月1日（繳款單會喺4月中旬發出）
- 按季還款：首個還款到期日係2025年7月1日（繳款單會喺6月上旬發出）
唔止咁喎：由2025年6月1日起，免入息審查貸款計劃嘅年利率已由1.795釐調升去2.423釐。
如果仲未收到通知書，記得盡快同學資處聯絡，唔好影響還款，過期係會罰款㗎！
| 須經入息審查的資助計劃 (「資助專上課程學生資助計劃」／「專上學生資助計劃」) | 免入息審查貸款計劃 (「全日制大專學生免入息審查貸款計劃」／「專上學生免入息審查貸款計劃」／「擴展的免入息審查貸款計劃」) | |
|---|---|---|
| 利息 | 年息 1% | 年息 2.423%* (最後調整日期為2025年6月1日) |
| 逾期附加費／逾期利息 | 5%# | 按香港特別行政區各發鈔銀行現時的最優惠貸款利率的平均數計算# |
| 行政費 | 不適用 | 248元* |
學資處各學生貸款組職員聯絡電話
- 資助專上課程學生資助計劃(TSFS)（電話：2150 6226）
- 專上學生資助計劃(FASP)（電話：2150 6065）
- 免入息審查貸款計劃(NLS)（電話：2150 6211或2150 6212）
還款壓力大？可以申請延期還款！
如果還款有困難，又唔使過分擔心！政府喺有延期還款安排呢個逃生門。
邊種情況可以申請？
- 所有申請延期還款嘅貸款帳戶都冇逾期還款、或已逾期未清繳1期季度分期還款／連續5期或少於5期按月分期還款。
- 經濟困難／患重病(SFO 102C (Rev. 2025) 申請表連結)
- 繼續修讀全日制課程(SFO 101C (Rev. 2025) 申請表連結)
符合條件嘅還款人就可以申請，爭取更靈活嘅還款選擇。
唔符合嘅話，就著需要就要盡快同貸款機構查詢詳情，搵到最適合自己嘅財務方案。
5news評論：綠炸之外第二封
本地學生即使獲得政府資助大專學費，但難免都仲要申請學貸。
當畢業出嚟工作，就要開始償還。
呢5年，唔少新生人投入社會。大家都啱啱識應稅務局嘅綠色稅單，過往都唔使考慮SFAA還款。令到新生人都忘記咗學貸。
所以，大家新生人。
記住，時間唔等人！要確保7月1日前開始還款，妥善計劃個人財務，唔好產生額外負擔。有疑問，即刻聯絡學資處了解同跟進。
快啲行動，做好財務管理，迎接未來挑戰！