CHANEL｜2026 Summer Markdown 全球公開分享特價款整理（持續更新）

每年 CHANEL Summer Markdown（夏季減價）開始，都會吸引唔少收藏者留意今年有咩商品做折扣、邊個市場率先開始，以及唔同國家有咩值得留意嘅款式。

截至目前為止，法國、日本、美國、英國、中國內地及台灣等市場已陸續開始 2026 Summer Markdown。根據世界各地公開分享，今年折扣幅度普遍約為 40% 左右，商品主要集中於鞋履、服飾（Ready-to-Wear）、時尚首飾（Costume Jewelry）及部分配件，經典手袋及 Small Leather Goods 依然未見屬於 Markdown 商品。

5News 將持續整理世界各地公開分享，方便讀者一次過比較不同市場今年嘅 Markdown 商品，同時作為日後查閱 2026 Summer Markdown 嘅公開資料。

2026 Summer Markdown 重點一覽

想了解 CHANEL Markdown？

如果想了解：

• CHANEL 一年通常幾時做 Markdown？
• 一般有幾多折？
• 哪些商品最常見做減價？
• 經典手袋會唔會做 Markdown？
• 全球不同市場一般幾時開始？

可以先閱讀：

《CHANEL｜Sale Archive 全球 CHANEL Markdown（減價／折扣）資料庫（持續更新）》 

CHANEL｜ Sale Archive 全球 CHANEL Markdown（減價／折扣）資料庫（持續更新）

CHANEL Seasonal Markdown（Sale）一直備受關注，但不同國家、專門店及年份安排都有機會不同。5News 整理全球 CHANEL Summer Markdown、Winter Markdown 歷年公開分享，包括開始時間、折扣幅度、常見減價商品及市場觀察，並持續更新 Archive，方便日後查閱歷年 Markdown 資料。

5News - 5只新聞咁簡單！5News編輯部

法國（France）

5News 觀察

法國今年約於 6 月中開始 Summer Markdown，屬今年較早開始嘅市場之一。

根據公開分享，有收藏者表示，公開開售後 Ready-to-Wear 熱門尺碼已經唔算多，反映部分熱門商品較早已經被揀選。

另外，今年法國公開分享之中，依然見到唔少鞋履、服飾及時尚首飾，而部分中性色款式亦比近幾季更常出現。

日本（Japan）

 5News 觀察

日本市場今年同樣有唔少公開分享，鞋履依然係最多人關注嘅商品類別之一。

公開分享見到，除咗經典黑白配色之外，亦有唔少季節色鞋款、服飾及時尚首飾進入 Markdown，整體商品種類仍然相當豐富。

由於不同專門店供應都有機會存在差異，因此即使同一城市，商品及尺碼亦未必完全一致。

美國（USA）

5News 觀察

美國今年 Summer Markdown 依然係討論度最高嘅市場之一。

根據 Reddit 公開分享，美國大部分市場約於 6 月底開始 Markdown，折扣幅度約為 40% 左右，商品主要集中於鞋履、服飾、時尚首飾及部分配件。

留言區亦整理咗幾個收藏者最關注嘅重點。

首先，唔少人表示鞋履及 Ready-to-Wear 熱門尺碼消失得非常快，因此不少收藏者都選擇開店前已經到場排隊。

另外，有長期合作 Client Advisor（CA）或 Sales Associate（SA）嘅收藏者，亦有機會較早收到部分Markdown 商品照片，方便提前了解今季商品。不過，不同專門店安排都有機會不同。

有收藏者分享，自己到 Boutique 排隊後，再前往 Nordstrom 鞋履區時，35 及 36 號等熱門尺碼已經所剩無幾，SA 更笑言：「應該第一站就去鞋區。」

另一位收藏者表示，今年 Boutique 內時尚首飾數量明顯唔算多，到場時只見到少量耳環、頸鏈及太陽眼鏡，而鞋履選擇亦比過往少。

亦有收藏者分享，今年開店約一小時前已經有十多位顧客排隊，部分已有長期購買紀錄嘅 VIC（Very Important Customer，熟客）則毋須排隊便可以率先入店。

中國內地（China Mainland）

台灣 (Taiwan)

5News 觀察

大中華地區市場亦已陸續開始今季 Summer Markdown。

公開分享見到，今年仍然以鞋履、服飾及時尚首飾為主，不少收藏者都會分享到店實拍，方便其他人了解今季實際商品。

由於不同城市及專門店安排都有機會不同，因此即使屬同一市場，實際商品亦未必完全一致。

5News 今季觀察（Editor's Observation）

綜合目前世界各地公開分享，2026 Summer Markdown 有幾個比較一致嘅現象。

今年仍然以鞋履為主角

由法國、日本到美國，今年最多公開分享嘅依然係鞋履。

除咗經典雙色設計之外，亦見到唔少近兩三季推出嘅款式進入 Markdown。有有阿聯酋收藏者分享，今次CHANEL Summer Markdown 商品主要以 2025 年季度款式為主，而並非最新系列。其中一對彩色運動鞋折後售價約 3,158 阿聯酋迪拉姆（約 860 美元／約 6,740 港元），反映部分近年季度商品亦有機會進入今季Markdown。

熱門鞋碼依然最快售罄

由多個國家及地區嘅公開分享可見，鞋履仍然係今季 CHANEL Summer Markdown 最快售罄嘅商品之一。

有美國收藏者分享，自己一早到 CHANEL 專門店排隊，之後再去 Nordstrom 百貨鞋履專區時，35 號同 36 號已經所剩無幾。現場銷售顧問（SA）更提醒，如果主要目標係買鞋，最好一開始就直接前往鞋履區。

另外，位於美國休士頓（Houston）嘅 Neiman Marcus 百貨，亦有網民分享現場大部分只剩 38 號鞋款；另一位網民亦表示，自己當地嘅情況幾乎一樣。由此可見，唔同尺碼供應差異相當明顯，而熱門尺碼通常最快售罄。

時尚首飾數量未算特別多

除咗鞋履之外，今年亦有唔少人留意 Costume Jewelry（時尚首飾）。

不過，美國有收藏者分享，到場時首飾區只剩少量耳環、頸鏈及太陽眼鏡，可供選擇嘅款式比預期少，最後只成功購入一對耳環，並自行改成耳夾使用。

除咗美國之外，英國亦有收藏者分享 Fashion Jewelry（時尚首飾）Markdown 款式。由公開分享可見，部分市場仍然有首飾類商品參與減價，但實際供應量、款式選擇及熱門程度，會因應地區、專門店及開售時間而有所差異。

亦有收藏者表示，今年帽、手套、絲巾及部分 Brooch（胸針）都有公開分享，但不同專門店供應差異仍然相當大。

每間專門店商品都有明顯分別

今年留言區另一個較多人提及嘅重點，係不同 Boutique、百貨公司專櫃及城市，商品種類都有明顯差異。

有收藏者指出，即使同樣屬美國市場，不同 Boutique、Nordstrom 或 Neiman Marcus 已經見到完全不同嘅商品組合，因此網上見到其他人分享嘅商品，未必代表自己附近專門店同樣有貨。

VIC 仍然有一定優勢

根據公開分享，部分已有長期合作 CA 或 SA 嘅 VIC，於公開開售前已收到部分 Markdown 商品照片，方便提前查詢商品及庫存。

不過，亦有收藏者表示，自己合作嘅 SA 因應內部安排，只能於指定時間分享部分資訊，因此不同專門店做法仍然有所不同。

一個值得留意嘅討論

今年有一個幾有趣嘅討論。

有收藏者認為，今年 Markdown 出現更多中性色及容易日常配搭嘅款式，比近幾季更吸引。

另一方面，亦有人提出另一個觀察：近年愈來愈多人留意 CHANEL Markdown，排隊情況亦比以前明顯，甚至有收藏者形容現場氣氛已經唔似傳統 Luxury Boutique。

因此，有留言開始討論，CHANEL 日後會唔會逐步減少 Public Markdown，甚至改為更著重熟客安排。不過，以上仍然只屬收藏者討論，CHANEL 官方目前並未公布任何相關安排。

本文將持續更新

2026 Summer Markdown 仍然陸續於不同市場展開。

5News 將持續整理世界各地公開分享，包括法國、日本、美國、英國、中國等市場最新商品及實拍圖片，方便讀者一次過比較不同市場今季 Markdown 情況。

如有更多公開分享，本文亦會持續更新。

總結

2026 年 CHANEL Summer Markdown 已經陸續於世界各地展開。綜合今季公開分享，鞋履、服飾（Ready-to-Wear）及時尚首飾（Costume Jewelry）依然係最常見嘅 Markdown 商品，而經典手袋及 Small Leather Goods（SLG，小型皮具）則未見屬於今季減價範圍。

另一方面，今季亦反映出唔同市場嘅商品供應存在明顯差異，例如法國、日本、美國、英國、中國內地及台灣等地，無論款式、尺碼、數量，以至開售日期都有所不同。部分市場亦有收藏者分享，熱門鞋碼、熱門服飾尺碼以及部分飾品於開售初期已經迅速售罄。

5News 將會持續更新呢篇文章，整理世界各地公開分享，包括日本、法國、英國、美國、中國內地及台灣等市場最新Markdown 商品，希望方便讀者一次過比較唔同地區今季 CHANEL Summer Markdown 嘅款式及市場情況。