置業|50萬首期大作戰
情侶月入中位數怎買到儲到首期50萬買到樓？
喺樓價追火箭嘅香港，好多人一聽到「買樓」三個字就即刻舉白旗。中位數收入？唔洗講啦，覺得好似永遠上唔到車。不過，如果你早啲諗清楚、有計劃咁一步步去做，其實買樓唔係冇你份，反而係可以慢慢攀上階梯。唔係你冇機會，而係你未行第一步。
今次就以一對每月合共收入 $44,000 嘅情侶為例，25歲開始部署，5年內儲夠 $500,000 首期，30歲正正式式做業主。過程中唔洗日日食麵包、戒晒娛樂，照樣可以拍拖、出街、做自己鍾意做嘅事。只要識得「先儲後使」，精明預算＋善用複利效應，中位數收入都一樣有資格拎樓契！
📌 想知點樣分配到錢又唔使「熄機生活」？即刻睇埋我哋精心拆解嘅〈每月開支估算表〉，實數實講，幫你每蚊都用得值！
🏡【中產打工仔實戰版：5年儲首期】
📌 背景設定
- 每人月入：$22,000（貼近政府公布中位數$22,500）
- 合共入息：$44,000／月
- 起步儲蓄年齡：25歲，目標30歲買樓
- 首期目標：$500,000
💰 儲蓄目標拆解：其實一啲都唔難！
- 📅 $500,000 首期➜每年儲 $100,000 ➜ 每月儲：$8,300
🧾 每月開支估算(2人)
| 開支項目 | 預算（港幣） | 備註說明 |
|---|---|---|
| 房租／合租 | $9,000 | 細單位或村屋 |
| 飲食開支（買餸+街外食） | $6,000 | 平日帶飯 + 周末外出食飯 |
| 交通費 | $1,600 | 每人$800，地鐵／巴士日常通勤 |
| 醫療保險（自費醫保） | $1,200 | 每人$600，基本門診+住院保障 |
| 家用／孝敬父母 | $2,000 | 每人回家$1,000，視乎實際家庭狀況可調整 |
| 娛樂／朋友聚會 | $1,500 | 約會、聚餐、睇戲、小旅行等 |
| 電話／上網費用 | $400 | 雙方基本月費（SIM卡或寬頻） |
| 日用品／雜費／醫療備用 | $1,200 | 包括超市購物、藥物、家居用品等 |
| 水電煤（電、水、煤氣） | $800 | 港島平均每月水電煤開支約$834； 若住新界或細單位，水電煤開支可低至 $600 以下 |
| 預留彈性儲蓄或投資 | $1,000 | 可用作緊急基金或投資增值 |
| 儲蓄（置業首期） | $8,300 | 儲到5年約$500,000 |
| 總開支 | $33,000 | 雙方合共月入$44,000，仲有約$11,000流動空間 |
💡 點計出嚟？依家逐項拆解
- 醫保用基本市面個人計劃計算：如友邦、藍十字、FWD等，普通住院保障 + 門診平均每月$500-800；
- 家用按港人平均行孝比例：中產大多每人月回家 $500–$1,500；
- 飲食開支以平均 $100/日*2人 + 假日稍高估算；
- 交通以地鐵+巴士為主，不包駕車/的士；
- ¬娛樂開支控制，避免過度消費，每月有輕鬆空間。
🎯 關鍵策略
- 先儲後使：出糧即刻自動轉帳儲蓄，避免「唔見咗」
- 娛樂都有Budget：每月預留娛樂開支，唔使成日拒絕約會
- 小錢儲大錢：例如每日少飲一杯手搖或咖啡，就已經慳到成百蚊
- 精明投資：將儲蓄用作定期或基金，每年平均回報5%，5年後可累積約 $580,000+ (即睇5news: 港元定期利率 銀行存款優惠比較 )
📈 貼地總結
其實，最大關鍵唔係「賺幾多」，而係「點樣用」，生活唔一定要將就，財務自由其實就由每一蚊開始。只要每月有紀律、有追蹤、有目標，複利加埋理財習慣，買樓唔再係遙不可及！
黎到大家最期待既時刻：儲用50萬首期，究竟可以買到咩樓？即刻睇吓2025年6月最新成交，$500萬以下既🚇港鐵沿線筍盤同🌿遠離繁囂、靜中帶旺既優質樓盤，5news為你一一拆解！(即睇5news: 置業|樓盤 2025年6月最新成交 )
免責聲明
有關影片、圖片及資料(內容)由5news編製，僅供參考之用。其內容是根據大眾可取得並有理由相信為可靠資料並以「現況」的基礎下制作而成，惟該等資料來源未經獨立核證。有關內容所表達的預測及意見只作為一般的市場評論，並不構成招攬、建議、投資意見或保證回報。該等預測及意見，可予修改而毋須另行通知，及不可被視為就任何投資產品或市場的建議。
如需有最新資訊，請直接向相關機構查詢。