Skytrax 2025|國泰爆升上三甲剖析
🏆【國泰返嚟喇！勇奪全球三甲航空 ✈️】喺 2025 年 Skytrax 世界航空大獎中，國泰航空強勢回歸，榮登全球最佳航空公司第 3 位！同時仲攞埋： 🛋️ 全球最佳經濟艙（連續兩年攞冠） 🎬 全球最佳機上娛樂（三年內第 2 次贏出） 唔止「返嚟」，仲係升級晒再返嚟，拎晒獎返嚟俾香港人爭氣！
🔍 點解國泰可以爆升返三甲？
🛫【升級唔止少少，係全面大翻新】
- 商務艙 Aria Suite 勁型爆：有 sliding 門、自訂氣氛燈、無線充電，簡直係空中酒店房咁款。
- 經濟艙都唔輸蝕：配晒 4K 螢幕、藍牙耳機連接、USB-C 插頭，娛樂功能冇得輸。
- 新機型登場中：已經用咗喺倫敦、溫哥華、悉尼線，好快擴展更多航點。
🍽️【食得又有品味】
- 聯乘米芝蓮名廚搞空中 fine dining 🍷
同 Louise、都爹利會館、逸東軒合作，主菜連甜品都升咗級，唔使飛埋落地都食得咁有格調！ - 「尋味中華」系列登場：飛內地都可以食到地道名菜，唔係得個名咁簡單。
📶【數碼體驗爆燈】
- 全機隊會陸續配備 4K 螢幕 + Wi-Fi 上網，一邊煲劇，一邊回 email，空中都做打工仔女冇難度。
- 機上娛樂超豐富，有 Disney+、Paramount+、愛奇藝、Podcast、音樂同國泰原創節目，足夠你飛幾十次都唔會悶。
💚【會員福利升呢】
- 「國泰會員計劃」整合咗馬可孛羅會同亞洲萬里通，儲分換機票之外，仲可以換到生活品味體驗。飛得多、玩得多、著數都多！
🎤 CEO 林紹波咁講：「多謝全球旅客支持，未來我哋會繼續提升服務，成為全球首屈一指嘅服務品牌！」
(即睇相關主題報道：Skytrax 2025|航空界奧斯卡 國泰航空重上三甲)