全部

居屋抽中前列號碼，係咪就代表可以順利揀樓？小紅書有申請者分享，自己「居屋2025」抽籤次序相當靠前，原本期待揀樓，最終卻收到房屋署取消資格通知。原因並非入息超標，而係家庭總資產淨值超出限額。帖主指自己當初漏報兩份為子女購買嘅保險現金價值，經房屋署審查後納入計算，最終超出二人或以上家庭HK$123萬資產上限。呢個個案亦揭示居屋申請一個容易忽略嘅細節：保險未必只係「保障」，部分保單亦涉及需要申報嘅資產價值。