限量版菲林相機 掀起搶購熱潮

近日，率先由7-Eleven/OK便利店購買維他飲品滿$28加$18就可以換購《限量版 VLT 經典黃綠啡配色菲林相機》套裝，包埋35mm彩色菲林、透明防水殼同埋黃色手帶，吸引了大量本地消費者及內地遊客爭相購買。

時空交錯？ 開賣前已售罄 網民嬲嬲豬

唔少網民反映唔少分店喺開賣前已經話賣晒，甚至有網民投訴店員提前收起貨品，導致冇辨法換購。有網民提出更嚴重指控，不滿貨品喺開賣前已經疑似售罄：
「全部被自己員工keep住了」
「每次都是這樣，習慣了，明明有卻是換完了」
「說好七點，六點到就告訴已經沒有了，浪費時間」
仲有網民批評換購過程混亂，甚至喺其中一間便利店嘅FB專頁留言查詢，但冇收到任何回應。

爭崩頭 原本可以網購

不過除咗便利店之外，原來仲可以喺百佳、惠康、HKTVMALL透過網購買指定產品系列夠$108，就送《維他「至澀角度」菲林相機》。同樣數量有限，先到先得。
但係唔好開心住，因為仲要過埋免運費嘅門檻。

唔網購 LON-ON門市有得賣

網購之後，LOG-ON門市都直接有得賣VLT菲林相機，售價$108，仲附送500ml維他0糖檸檬茶同鴨屎香檸檬茶。

5News評論

呢度相機主打香港人兩大死穴：港式懷舊設計同限量供應，製造話題。令市場上掀起炒賣風潮，部分二手平台嘅轉售價格一度高達$2,000蚊。原價$200炒到去 $2,000，瞬間升值10倍！難怪一眾網民紛紛去搶購。

香港炒風

其實香港炒賣風氣一直都相當活躍，尤其喺限量商品、門票、收藏品，甚至住屋、股票方面。
最典型例子就係演唱會門票。主辨單位往往用擠牙膏方式開賣，令到門票往往喺開售後瞬間售罄，隨即喺二手市場被炒高數倍甚至數十倍。剛過去嘅劉德華跨年演唱會門票，就曾經炒到4萬蚊，係原價嘅40倍！消費者委員會亦指出，二手門票平台嘅炒賣行為同「黃牛黨」無異，但現行法例似乎未能有效規管到。

呢啲炒風反映咗香港市場嘅高流動性同投機心態。但同時風險非常巨大，價格泡沫瞬間爆破。
你對香港炒風又有咩睇法？覺得呢種現象是機遇還是風險？喺為社會帶嚟益處定係額外成本？