申請居屋｜資產申報最容易漏乜？保險、銀行戶口、股票、MPF以至海外資產 一文拆解資產清單＋申報Checklist＋Q&A
申請居屋白表，唔係只計銀行戶口有幾多錢。房委會要求申請者及名列申請表嘅家庭成員，申報香港及香港以外地區嘅總資產淨值，當中涉及物業、車輛、股票基金、保險、存款、可提取退休金等。近日有申請者分享，因漏報子女保險嘅退保現金價值，最終家庭資產超出限額而被取消資格。以下整理「居屋2025」申請須知附錄甲、乙，逐項列出容易忽略嘅資產，並附上申報Checklist及Q&A，方便申請前逐項核對。